A a a: Ai Lemoizko zentrala
horixe bai badala
ifernuko magala.
A a a: ifernuko magala.
E e e: Ona dela diote
askoz hobe lukete
apurtuko balute.
E e e: apurtuko balute.
I i i: Zentral nuklear hori
ez zait gustatzen niri
ifernua dirudi.
I i i: ifernua dirudi.
O o o: Zentral hori hor dago
hobe itxas barrengo
ur azpian balego.
O o o: ur azpian balego.
U u u: Oilarrak kukurruku
zentral madarikatu
horrexek hilko gaitu.
U u u: horrexek hilko gaitu.

A a a: Aurrerapen zatarra
galdara nuklearra
onena ere txarra.
A a a: onena ere txarra.
E e e: Orain nago haserre
egingo nuke barre
suak baleza erre.
E e e: suak baleza erre.
I i i: Sententzia Lemoizi
lenbizi jota hausi
eta gero ikusi.
I i i: eta gero ikusi.
O o o: Biziaren kontrako
labe hori zertako
ez al dugu botako?
O o o: ez al dugu botako?
U u u: Umorerik baduzu
joanda aurretik musu
ta atzetik eman su.
U u u: ta atzetik eman su.

A a a: Aurrera doa gerra
ez litzake ederra
dena galdu beharra.
A a a: dena galdu beharra.
E e e: Ez nago lasai bate
nuklearrezko ate
guztiak bota arte.
E e e: guztiak bota arte.
I i i: Ez da hemen indarrik
nai ez duen bakarrik
baina ez nuklearrik.
I i i: baina ez nuklearrik.
O o o: Aizu, Iberduero
ez bakerik espero
hortan orain ez gero.
O o o: hortan orain ez gero.
U u u: Euskaldunak gara gu
odolik badaukagu
irabaziko dugu
U u u: irabaziko dugu.